Grianghrafadóireacht Dhigiteach

An Gleann istoíche - íomhá le duine de na rannpháirtithe ar an chúrsa sa ghrianghrafadóireacht dhigiteach.
An samhradh i dTír Chonaill

Breithnigh oidhreacht nádúrtha agus chultúrtha Ghleann Cholm Cille duit féin, do cheamara digiteach ar iompar agat agus tú faoi stiúradh múinteora ag a bhfuil saineolas grianghrafadóireachta. Bain úsáid as do ríomhaire féin nó as ceann a chuirfear ar fáil le scileanna sárfheabhsaithe grianghraif a fhoghlaim.

FÉILIRE
Teideal Suíomh Praghas
Dé hAoine, 4 Bealtaine 2018 — Dé Luain, 7 Bealtaine 2018
Grianghrafadóireacht Dhigiteach Gleann Cholm Cille €100 Cláraigh

Tá an cúrsa seo á thairiscint dóibh siúd ar mhaith leo cleachtadh a fháil ar chaitheamh aimsire na grianghrafadóireachta. Is amuigh faoin aer a bheas an cúrsa ar siúl agus na rannpháirtithe ag déanamh staidéir ar an timpeallacht agus ag aimsiú deiseanna le grianghraif tharraingteacha a ghlacadh. Cuirfear suas taispeántas ag deireadh an chúrsa.

Beidh ceardlann gach maidin ag léiriú na húsáidí ar féidir a bhaint as do cheamara agus rachaidh an grúpa amach faoin spéir san iarnóin. Tabharfar treoir níos moille ar na slite le do ghrianghraif a roinnt le do chairde, iad a athrú agus a fheabhsú ar an ríomhaire agus iad a chur in albaim agus a fhoilsiú. Beidh gach duine le chéile san oíche i gcuideachta rannpháirtithe ó na cúrsaí eile don chraic agus don cheol.